रुकुम पश्चिम / रुकुम पश्चिमको मुसिकोट नगरपालिका ५ सेरीगाउँमा अटो रिक्सा दुर्घटना भएको छ ।
रा १ ह ७१९९ नम्वरको अटो रिक्सा दुर्घटना हुँदा चालक सहित ६ जना घाईते भएका छन् ।
मुसिकोट नगरपालिकाका नगर प्रहरी सहायक निरिक्षक उमेश केसीका अनुसार मुसिकोट १ खलंगादेखि मुसिकोट १३ छिवाङ चौतारा जान लागेको रिक्सा सेरीगाउँनेर दुर्घटना भएको हो ।
अटो दुर्घटनामा मुसिकोट नगरपालिका १४ का ३१ वर्षिय अटो चालक रोशन बिष्ट सहित ६ जना घाईते हुनुभएको छ ।
दुर्घटनामा परेर मुसिकोट नगरपालिका ३ का वडा सदस्य ३२ वर्षिया खिमा खड्का, मुसिकोट १४ का ३१ वर्षिय बिर्खबहादुर बिष्ट, सोहि गाउँका १४ वर्षिय सरिता ओली विष्ट, सानीभेरी गाउँपालिका ९ का २३ वर्षिय रनबहादुर विष्ट र निजकाे ६ बर्षिया छाेरी सपना बिष्ट घाईते हुनुभएको छ ।
घाईते मध्य चालक रोशन बिष्टको अवस्था गम्भिर रहेको बताईएको छ । अन्यको अवस्था भने सामान्य रहेको छ ।
घाईतेहरु सबैलाई मुसिकोट नगरपालिकाको एम्बुलेन्स मार्फत जिल्ला अस्पताल सल्लेमा लिईएको नगर प्रहरी सहायक निरिक्षक उमेश केसीले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।