दाङ, ८ चैत ।
दाङको घोराहीस्थित महेन्द्र बहुमुखी क्याम्पसमा स्ववियु निर्वाचनको लागि आज मतदान सम्पन्न भएको छ । बिहान ८ बजेदेखि सुरु मतदान शान्तिपूर्ण ढंगले सम्पन्न भएको हो । अपराह्न ४ बजेसम्म चलेको मतदानमा २१ सय ३२ मत मात्रै खसेको निर्वाचन अधिकृत कुलबीर चौधरीले जानकारी दिनुभएको छ ।
क्याम्पसमा ५ हजार ९ सय ४० मतदाता रहेकोमा २ हजार १ सय ३२ मत मात्रै खसेको हो । अव केही वेरमा मत गणना सुरु गर्ने तयारी भैरहेको छ । निर्वाचनका लागि दिनभर क्याम्पसमा सुरक्षा व्यवस्था कडा बनाइएको थियो । यसअघि अखिल क्रान्तिकारी विप्लवले क्याम्पसमा तालाबन्दी गरेपछि चैत ५ मा हुने भनिएको निर्वाचन स्थगित भएको थियो ।
क्याम्पस प्रशासनले अनाधिकृत रुपमा खाली परिचयपत्र क्याम्पसको छाप लगाएर वितरण गरेको भन्दै विप्लवका कार्यकर्ताहरुले तालाबन्दी गरेका थिए । निर्वाचनमा एमाले निकट अनेरास्ववियु, माओवादी केन्द्र निकट अखिल क्रान्तिकारी र जनमोर्चा निकट अखिल छैटौंले चुनावी तालमेल गरेका छन् भने नेवि संघ, तथा स्वतन्त्र विद्यार्थि पनि चुनावी प्रतिसपर्धामा छन् ।
Facebook Comments
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
