श्रवण कुमार यादव । मेगमन बुढा
दाङ । राप्ती नदीमा दिउँसै अवैध रुपद्वारा गिट्टी– बालुवा उत्खनन र दोहनमा गर्ने १ वटा सवारी साधन तथा चालक र कामदारलाई पक्राउ गरि राजपुर गाउँपालिका वडा नम्बर ३ का वडा अध्यक्ष रामप्रसाद अहिरले प्रहरीलाई बुझाएका छन् ।
देउखुरीको लमही नगरपालिका वडा नम्बर ८ गिधनीया घाट र राजपुर गाउँपालिका वडा नम्बर ३ सिमाना भित्रमा पर्ने राप्ती नदीको क्षेत्रको स्थानबाट पटक पटक बालुवा,गिट्टी,मिस्कट र ढुङा लगायताका नदीजन्य पदार्थ अवैधरुपमा उत्खनन् चोरि तस्किरी गरिरहेको अवस्थामा शुक्रबार बिहान रा १ त ४६१७ नम्बरको एक ट्याक्टर पक्राउगरि बेला प्रहरी चौकीलाई जिम्मा लगाइएको वडा अध्यक्ष अहिरले जानकारी दिनु भयो ।
गिधनीया घाट राजपुर गाउँपालिकाको क्षेत्र भित्र पर्छ । तर हामीलाई कुनै जानकारी नदिएर अवैधानिक रुपमा उत्खनन गरेको खबर पाएपछि मैले नियन्त्रणमा लिएर आवश्यक कार्वाहीक्क लागि प्रहरीलाई जिम्मा लगाएको हो,वडा अध्यक्ष अहिरले भन्नु भयो । अबदेखि हाम्रो क्षेत्रमा कुनैपनि ट्याक्टर साहुहरुले अनुमति नलिएर यस्ता कार्य गरेको पाइएमा अझ खरो रुपमा हामी उत्रिन्छौं,अध्यक्ष अहिरले टेलीफोन मार्फत जानकारी दिनु भयो ।
त्यस्तै उहाँका अनुसार गएराति उत्खननमा संल्गन एक ट्याक्टर पक्राउ गरिएको थियो । तर उक्त ट्याक्टरको चाबी सहित चालक फरार रहेकोे हुँदा ट्याक्टरलाई सोही गाउँ बासिलाई जिम्मा लगाएर छाडिएको भएपनि स्थानीय बासिलाई अतेर गरि ट्याक्टर त्यहाँदेखि भगाइसके अध्यक्ष अहिरले जानकारी दिनु भयो । त्यस्तै उक्त ट्याक्टर लमही नगरपालिका वडा नम्बर ७ नयाँ बस्ती गाउँको योजना निर्माण प्रयोजनका लागि गिट्टी,बालुवा उठाउन गएको भन्ने बुझिएको अध्यक्ष अहिरले बताउनुभयो ।
त्यस्तै यता बेला प्रहरी चौकीका इन्चार्ज रकम खड्कासंग यस बारेमा बुझ्दा अहिले उक्त ट्याक्टरलाई आवश्यक कार्वाहीको लागि राजपुर गाउँपालिकालाई पत्राचार गरिने बताउनु भयो । उहाँका अनुसार राजपुर-३ का वडा अध्यक्ष रामप्रसाद अहिरको माध्यमद्वारा उक्त ट्याक्टरलाई पक्राउ गर्न सफल भएको बताउनु भयो ।
Facebook Comments
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
