फागुन २६ दाङ । नेकपा एकीकृत समाजवादी निकट अखिल नेपाल महिला संघ दाङको जिल्ला सम्मेलनले ससमती चौधरीलाई पुनः अध्यक्षमा निर्वाचित गरेको छ ।
त्यसैगरि उपाध्यक्ष्यमा झुमा गुरुङ र लक्ष्मी गिरी निर्वाचित भएका छन् भने शुसिला न्यौपाने, हेलना मिया क्रमशः सचिव र सहसचिवमा निर्वाचित भएका छन् । त्यसैगरि भक्ति पौडेल कोषाध्यक्षमा निर्वाचित भएकी छिन् ।
एकीकृत समाजवादीका केन्द्रीय सचिव भागवत विश्वासीको प्रमुख आतिथ्यतामा सम्पन्न जिल्ला भेलाले चौधरीको नेतृत्वमा ५१ सदस्यीय जिल्ला कमिटी निर्वाचित गरेको हो ।
जिल्ला सम्मेलनको उद्घाटनपछि मन्तव्य राख्दै समाजवादीका केन्द्रीय सचिव विश्वासीले आजका महिलामा जीवन, जगत, ज्ञान र विज्ञानबारे निरन्तर अध्ययन हुनुपर्ने धारणा राखेका थिए ।
‘नेपालको संविधानले महिलालाई नेतृत्वदायी भूमिकाको संवैधानिक व्यवस्था गरेकाले सो अवसर लिन अग्रसर हुनुपर्छ । अब छोराहरुले मात्र मुलुक चल्ने दिन गए । तसर्थ छोरीहरु अर्थात् महिलाहरु राजनीति वा भनौँ नेतृत्व विकासमा अग्रसर हुनै पर्छ । तपाईंहरु अगाडि बढ्नुस् ।’ विश्वासले थपे ।
मन्तव्य कै क्रममा समाजवादीकी केन्द्रीय सदस्य एवं लुम्बिनी प्रेदेशकी उपसचिव शारदा श्वर्णकारले समाजवादी शैली अपनाउन कार्यकर्ताहरुलाई आग्रह गरिन् ।
कार्यक्रममा अनेम संघकी केन्द्रीय सचिव अनारकली मिया, समाजवादीका जिल्ला अध्यक्ष शुरामणि बेल्बासे, उपाध्यक्ष चुर्ण बहादुर वली, सचिव डिल्ली डाँगी, चित्रा मल्ल, शोभा शाह लगायतले मन्तव्य राखेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
