देउखुरी / राप्ती गाउँपालिका अध्यक्ष प्रकाश विष्ट ,उपाध्यक्ष कमलापती चाैधरी र प्रमुख प्रशासकीय अधिकृत नेब बहादुर ओलीले चट्याङ परेर क्षति पुगेको एक घरको बिहीबार अवलोकन गर्नुभएको छ।
बुधबार बेलुकी पानीसँगै परेको चट्याङले पालिकाकाे वडा नम्बर ३ नयाँबस्ती मसुरीया निवासी मनकुमारी बिकको घरमा क्षति पुर्यएकाे थियो।
चट्याङले बिकको घरकाे जस्तापाताकाे छानामा क्षती पुर्यएकाे छ भने मानवीय क्षती भने भएको थिएन ।
क्षति पुगेको घरको अवलोकन पश्चात् अध्यक्ष विष्टले पीडित विकको घर परिवारलाई तत्काल क्षतिपूर्ति प्रदान गरिने बताउनु भएको छ।
साे अवसरमा पालिकाकाे विपत व्यवस्थापन शाखाका प्रमुख सुवास भट्टराई ,राेजगार संयाेजक मुमाराम भुसाल ,पत्रकार महेश चन्द्र रिजाल लगायतको सहभागिता रहेकाे थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
