श्रवण कुमार यादव
राजपुर, २२ फागुन । राजपुर गाउँपालिका वडा नं ३ प्रतापपुर माइत भएकाे र हाल राजपुर गाउँपालिका वडा नं ४ दुलैया स्थित घर भएकी अन्दाजी २१ वर्षकी रञ्जना कुमारी यादवले आज सोमबारका दिन झुन्डिएर आत्महत्या गरेकी छन्।
हिजो भर्खर आफ्नो घरबाट माइतीघर फर्किएर आएकी यादवले आफ्नै माइतीघर नजिक रहेको श्री शक्ति सामुदायीक वनकाे बौरहावा खोला नजिकमा घर भन्दा करिव सय मिटरभित्र वनमा गई विहान करिब ९ बजेतिर सलमा झुण्डिएर आत्महत्या गरेकी हुन्। यादवले भर्खरै यहि गत महिनाको २७ गते विवाह बन्धनमा बाँधिएकी थिइन्।
मृतक युवातीलाई लमही अस्पतालमा शव पोष्टमार्टम पछि घर परिवारलाई जिम्मा लगाइएको जिल्ला प्रहरी कार्यालयका प्रहरी प्रमुख एसपी विर बहादुर ओलीले जानकारी दिनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
