सल्यान / सल्यान बनगाड कुपिण्डे नगरपालिकामा एक दिने आँखा शिविर संचालन भएको छ । शुकवार भएको सो शिविरको उद्घाटन नगर प्रमुख कर्ण बहादुर बुढाथोकीले गर्नु भएको थियो ।
शिविरमा ३२८ जनाको आँखा चेकजाँच गरिएको छ । १७८ महिला र १५० जना पुरुष गरि जम्मा ३२८ जनाको आँखा चेकजाँच गरिएको छ । जसमा ६२ जनालाई अप्रेसनको लागि छनोट निशुल्क यातायातको व्यवस्था नगरपालिकाले गर्ने भएको छ ।
फाल्गुन २५ गते अप्रेसनका लागि सुर्खेत आँखा अस्पताल यातायातको व्यवस्था सुर्खेत सम्म जाने खर्च नगरपालिका व्यहोर्ने नगर प्रमुख कर्ण बहादुर बुढाथोकीले बताउनु भएको छ । उहाँले भन्नू भयो जनताको सेवामा सधै लागि रहने र बृद्ध बुवा आमाहरूलाई झनै सहयोग गर्ने समेत बताउनु भएको छ । उहाँले भन्नू भयो आँखा चेकजाँच गर्दा लाग्ने खर्च समेत नगर पालिकाले व्यवस्था गरिदिएको नेपाल रेडक्रस सोसाइटी सल्लीबजारका सभापति पुष्कर बिसिले जानकारी दिनु भएको छ ।
नगरपालिका निशुल्क व्यवस्था गरिदिएको छ त्यसको समन्वय समेत राम्रो गरेको उहाको भनाइ रहेको छ । नगरपालिकाको आयोजना तथा रेडक्रस आँखा अस्पताल सुर्खेतको प्राविधिक सहयोगमा र नेपाल रेडक्रस सोसाइटी देवस्थल उप शाखाको समन्वयमा आज एक दिने बृहत आँखा शिविरमा सन्चालन भएको थियो ।
जसमा विभिन्न ठाउबाट चेकजाँचको लागि उपस्थिति भएको थियो । आँखा चेकजाँच गराउन आएको डाक्टर तथा स्वास्थ्यकर्मीको टोलिलाइ समेत सम्मान तथा बिदाइ गरिएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
