घोराही, १५ फागुन । नेपाल कम्युनिस्ट पार्टीले महंगी तथा वित्तीय ज्यादती विरुद्ध दाङसहित देशभर आज सोमबार बिरोध प्रदर्शन गर्ने भएको छ ।
पार्टीले पछिल्लो चरणमा देशमा महंगी, भ्रष्टाचार , चर्को बैंक ब्याजदर र वित्तीय संस्थाहरूको ज्यादती बढ्दै गएको र त्यसको प्रत्यक्ष असर व्यापार, उद्योग तथा आम नागरिकमा परेको भन्दै वित्तीय संस्थाहरुको ज्यादती विरुद्ध बिरोध प्रदर्शन गर्ने भएको हो ।
त्यस्तै पार्टीको केन्द्रीय कार्यक्रम अनुरुप नै आज दाङको घोराही र तुलसीपुरमा उक्त ज्यादतीविरुद्ध बिरोध प्रदर्शन गर्ने नेपाल कम्युनिस्ट पार्टी पूर्वी दाङका सेक्रेटरी जनक सीले जानकारी दिए ।
नेकपा पूर्वी दाङको आयोजनामा आज दिउँसो १ बजे घोराहीको तुलसीपुर चोकमा हुने महंगी, भ्रष्टाचार , चर्को बैंक ब्याजदर र वित्तीय संस्थाहरूको ज्यादती विरुद्धको प्रदर्शनमा सहभागी भइदिन ब्यापारी, उद्योग लगायत आम नागरिकलाई पार्टीले हार्दिक अपिल गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
