दाङ, १० फागुन । दाङमा एक किशोर मृत अवस्थामा फेला परेका छन्।
पश्चिम दाङको शान्तिनगर गाउँपालिका १ आग्रानेटा निवासी १७ बर्षीय प्रमोद डाँगी शान्तिनगर ५ रगैंजा नजिकै नालामा मृत अवस्थामा फेला परेको ईलाका प्रहरी कार्यालय खिलतपुरका प्रमुख मान वहादुर विसीले जानकारी दिनुभएको छ ।
मंगलबार रगैंजामा रहेको फुपुको घरमा जन्मदिनको पार्टीमा गएर गयराति साढे ९ बजेको समयमा घर फर्केका डाँगी मृत अवस्थामा फेला परेको प्रहरीले बताएको छ ।
मृतकको शवलाई पोष्टमार्टमको लागी राप्ती प्रादेशिक अस्पताल तुलसीपुरको शव गृहमा राखीएको प्रहरीले जनाएको छ ।
मृत्युको कारण खुल्न नसकेको र घटनाको विषयमा थप अनुसन्धान भइरहेको इलाका प्रहरी कार्यालय खिलतपुरले जानकारी दिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।