सन्चार तथा सूचना प्रविधि मन्त्री रेखा शर्माले जनयुद्ध दिवसका अवसरमा सार्वजनिक विदा दिएर सरकारले जनयुद्धप्रति न्याय गरेकाे बताउनुभएको छ ।
नेकपा माओवादी केन्द्र दाङले आयोजना गरेको २८ औं जनयुद्ध दिवस समारोहलाई सम्बोधन गर्दै उहाँले सहिद, वेपत्ता, घाइते अपांगलाई आजकाे सार्वजनिक विदाले उच्च सम्मान व्यक्त गरेकाे धारणा राख्नुभयाे । प्रचण्ड नेतृत्वको सरकारले गरेकाे याे कामले जनयुद्धले ल्याएको परिवर्तनलाई संस्थागत गरेकाे उहाँले बताउनुभयो ।
जनयुद्धको याेगदान समानता भएको बताउँदै त्यसकाे कार्यान्वयनमा सरकार जुटेकाे मन्त्री शर्माले वताउनुभयाे । मन्त्री शर्माले माओबादी टुटफुट र बिभाजन भएपनि आफ्नाे विरात कायम राखेकाे बताउनुभयो ।
माओवादीकाे एजेन्डामा देश सर्वसम्मत रुपमा अगाडि बढेकाे भनाइ व्यक्त गर्दै पार्टी अध्यक्ष पुष्पकमल दाहाल प्रचण्डकाे नेतृत्वमा राष्ट्रिय सहमतिकाे राजनीती अगाडि बढेकाे बताउनुभयाे ।
जनयुद्धजनयुद्धको परिवर्तनलाई सरकारले एउटा अंशकाे रुपमा राख्न खाेजेकाे भन्दै उहाँले त्यस अनुसार हामी जहाँ छौ त्यस ठाउँबाट सम्पूर्ण कार्यकर्ता माथि उठ्न
जरुरी छ भन्नुभयाे ।
कार्यक्रममा नेकपा माओवादी केन्द्रका केन्द्रीय सदस्य तथा जिल्ला इन्चार्ज निर्मल आचार्यले पनि सार्वजनिक विदा दिएकोमा सरकारलाइ धन्यवाद दिनुभयो । यसलाई राष्ट्रिय विदाको रुपमा स्थायित्व दिनुपर्ने धारणा पनि उहाँले राख्नुभयो ।
यसैबिच २८ औं जनयुद्ध दिवसको अवसरमा दाङको घोराहीमा रक्तदान आयोजना गरिएको छ । ३६ जनाल रक्तदान गरेको माओवादी केन्द्र दाङका सचिव विश्वराज आचार्यले जानकारी दिनुभयो
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
