दाङ । सूचना तथा संचार प्रविधि मन्त्री रेखा शर्माले स्वर्गीय लिलादेवी पौडेलकाे स्मृतिग्रन्थ विमाेचन गर्नुभएको छ । घाेराही उपमहानगरपालिका वडा नं. ६ निवासी पौडेल निवासमा आयाेजित बार्षिक पुन्यतिथीको अबसरमा लिलादेवीको सम्झनामा लिखित पुस्तककाे बिमाेचन गर्नुभएको हाे ।
पुस्तक विमाेचन गर्दै मन्त्री शर्माले नेपाली समाजमा महिलाले भाेग्नु परेकाे समस्या कृतिमा समाबेस भएको उल्लेख गर्नुभयाे । समाज बदल्न महिलाले जस्ताे सुकै भुमिका खेलेपनि महिला पिधमा पर्ने भन्दै सबैले समाज रुपान्तरणमा जाेड दिनुपर्ने धारणा राख्नु भयाे ।
मन्त्री शर्माले आफ्नै स्वर्गीय आमाका कयौं भाेगाई पुस्तकमा समेटिएको बताउँदै याे स्मृति ग्रन्थ उत्कृष्ट रहेकाे बताउनु भयाे । हेमन्त पौडेल र शिवराज पौडेल द्वारा प्रकाशन गरिएको ग्रन्थ १ सय ६२ पृष्ठ रहेकाे छ । ग्रन्थकाे संरक्षकका ऋषिराज जंगली रहनु भएको छ । ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
