नबिन पिएम
सल्यान,१३ माघ । बागचाैर नगरपालिका आज शुक्रबारबाट नगर कार्यपालिकाकाे नव निर्मित प्रशासनिक भवनमा सरेको छ । अब आफ्नै भवनबाट सेवग्राहीलाई सेवा प्रवाह गर्ने भएको छ ।
यसअघि घरभाडामा लिएर सेवा प्रवाह गर्दै आएको नगरपालिकाले घरभाडा वापत ४८ हजार बढी रुपैयाँ तिर्दै आएको थियाे । अब भवनकाे भाडा बापतकाे याे रकम बचत हुने नगर प्रमुख जनकराज गाैतमले जानकारी दिनु भयो ।
भवन भ्याट बाहेक ३ करोड २९ लाखमा निर्माण गरिएकाे हाे । नगरपालिकाको भवन निर्माणका लागि बागचाैरका ३३ जनाले जग्गादान र २३ जनाले नगद रकम सहयाेग गर्नु भएको थियो । उहारुलाई नगरपालिकाले सम्मान समेत गरेकाे छ ।
नव निर्मित प्रशासनिक भवनकाे उद्घाटन कार्यक्रममा शुक्रबार भब्य कार्यक्रमका बिच नगर प्रमुख जनकराज गाैतमले उद्घाटन गर्नुभएको थियो ।
उप-प्रमुख सुम्निमा डि.सी वली, निवर्तमान नगर प्रमुख लाेकमान बुढाथाेकी, निवर्तमान नगर उप-प्रमुख कल्पना पुन, प्रमुख प्रासकीय अधिकृत अनन्तकुमार गाैतम, विभिन्न वडाका वडाध्यक्षहरु, कार्यपालिका सदस्यहरु, कर्मचारी, विभिन्न राजनितिक दलका प्रतिनिधिहरु, पत्रकार, स्थानीयहरुकाे उल्लापुर्ण सहभागिता रहेकाे उप-प्रमुख डिसी वलीले जानकारी दिनु भयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
