• १६ चैत्र २०८०, शुक्रबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected]
विज्ञापनका लागि
9809855403
दाङका नयाँ ट्राफिक प्रमुख मल्लले लिए पत्रकारसँग सुझाव




जिल्ला ट्राफिक प्रहरी कार्यालय दाङमा हालै सरुवा भएर आउनुभएका जिल्ला ट्राफिक प्रमुख किरण मल्लले घोराहीमा क्रियाशील पत्रकारहरुसँग दुर्घटना न्यूनीकरण र ट्राफिक व्यवस्थापनबारे सुझाव लिनुभएको छ ।

उहाँले पत्रकारहरुबाट जिल्लाको सडक अवस्था, ट्राफिक व्यवस्थापनका समस्या, ट्राफिक प्रहरीप्रतिको गुनासोलगायतका बिषयमा रायसुझाव लिनुभएको हो ।

सो क्रममा पत्रकाहरुले दाङमा राजमार्ग, सहरी क्षेत्र र ग्रामीण क्षेत्र गरी फरकफरक तीन प्रकृतिका सडक भएकाले ती सडकमा दुर्घटना न्यूनीकरण गर्न फरक फरक रणनीति अख्तियार गर्न सुझाव दिएका थिए ।

साथै उनीहरुले प्लस टू तहका विद्यार्थी र रातको समयमा मादक पदार्थ सेवन गरेर सवारी साधन चलाउने चालकप्रति विशेष निगरानी राख्न पनि सुझाव दिएका थिए । बजार क्षेत्रको अस्तव्यस्त पार्किङ र निर्माणाधीन सडकका कारण दाङमा धेरै दुर्घटना हुने गरेकोतर्फ पनि पत्रकारहरुले ट्राफिक प्रमुखको ध्यानार्षण गराएका थिए ।

सबैको सुझाव सुनेपछि ट्राफिक प्रमुख मल्लले दाङबासीको सुझाव र प्रचलित नियमकानुनको अधिनमा रहेर ट्राफिक व्यवस्थापनलाइ प्रभावकारी बनाइने बताउनुभयो । ‘म जति बस्छु राम्रो गर्ने प्रयास गर्ने छु, तपाइँहरु आलोचनात्मक चेतसहित हामीलाई रचनात्मक सुझाव दिइरहनुहोला’– उहाँले भन्नुभयो ।

Facebook Comments