पुरन शर्मा
ब्यक्ति समूह बस्ति भेट्छु अचेल
ब्याएर पनि दूध नदिने गाई
पालेर बस्छन् कोही
जति गरे पनि नजोत्ने गोरु
दिनरात घाँस पानी खुवाई
स्याहारिरहेछन् कोही
न भारी बोक्छ
न त यात्री नै
अजङ्गको घोडा पोसिरहेछन् उनी
कहिल्यै उब्जनी नदिने पाखो बारी
निरन्तर मलजल हाल्दै
खनजोत गर्दैछन् वस्तीहरु
के मानौ,
इमानदार सोझा या मुर्ख ?
किन त् ?
सोध्दा भन्छन्
दूध नदिए पनि गाईले
नयाँ बाच्छा बाच्छि दिन्छन् नि !
नजोते पनि गोरुले
उर्वर गोबरमल र साथ गाईको दिन्छन्
भन्छन् उनी
भारी नबोके पनि
मल काम नलागे पनि
घोडाको साथ दिन्छ
हिन्हिनाउछ, आशा लाग्छ
उब्जनी छैन थाहा छ
मलजल बेकार छ थाहा छ
बाबबुबाजे बसेको ठाउँ
पित्रि रिसाउलान्, माया लाग्छ
सकिन्न सम्याउन, आकार बदल्न र प्रकार ढाल्न
न त सकिन्छ, छाड्न नै
कहाँ सकिन्छ र यो पाखो बिर्सन ?
के भनौ सोझा, इमानदार या या मुर्ख ?
कहरैकहरको बाटोमा
उसैलाई, सकिनसकी
बोकेर उक्लदैछ
अजङ्गको पहाड
जसले उसैलाई चिन्दैन
के भनौ इमानदार,सोझा या भनौ मुर्ख ?
नवलपुर, दाङ
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
