घोराही, ९ माघ । घोराहीमा रहेको अम्बिकेश्वरी क्याम्पसमा जारी खेलकूद सप्ताहको चौंथो दिन दुई खेल सम्पन्न भएका छन् । अम्बिकेश्वरी क्याम्पस स्पोर्टस् क्लबको आयोजना शुक्रबारदेखि सुरु भएको उक्त सप्ताहमा सोमबार फुटबल र फुटसल प्रतियोगिता सम्पन्न भएका हुन् ।
आज भएको फुटबलको समिफाइनलको खेलमा क्यासम्पमा भर्ना भएका २०७७ ब्याचका छात्र समूहलाई ४–१ गोल अन्तरले पराजित गर्दै क्याम्पसमा भर्ना भएका २०७६ ब्याचका छात्र समूह विजयी भएको हो । घोराही–१८ नवलपुर खेल मैदानमा भएको प्रतियोगितामा २०७६ ब्याचका छात्र समूहलाई जित दिलाउन अरुण हमालले ३ गोल र वसन्त रोकाले १ गोल गरेको थिए । उपविजेता बनेको २०७७ ब्याचका छात्र समूहका निश्चल रोका मगरले १ गोल फर्काएका थिए ।
त्यसैगरी आज भएको फुटसल खेलमा क्यासम्पमा भर्ना भएका २०७८ ब्याचका छात्रा समूहले क्याम्पसमा भर्ना भएका २०७६ ब्याचका छात्रा समूहलाई ३–० ले हराउँदै विजयी भएको भएको हो । फुटसल खेलमा २०७८ ब्याचका छात्रा समूहलाई विजयी बनाउन केशमाला बुढामगरले २ गोल र आरती रानामगरले १ गोल गरेको अम्बिकेश्वरी क्याम्पस स्पोर्टस् क्लबका अध्यक्ष अरुण हमालले जानकारी दिए ।
क्याम्पसमा अध्ययनरत बिसिए, सिएसआइटी र बिआइएमका विद्यार्थीहरु उक्त प्रतियोगितामा सहभागी रहेका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
