घोराही, ९ माघ । दाङमा अन्तर विद्यालय शिक्षक भलिबल प्रतियोगिताको उपाधि गोरखा इन्टरनेशनल सेकेण्डरी स्कूल घोराहीले हात पारेको छ । निजी तथा आवासीय विद्यालय अर्गनाइजेसन नेपाल (प्याब्सन) दाङ शाखाको आयोजनामा सुरु भएको उक्त प्रतियोगितामा जनज्योति माविलाई हराउँदै गोरखा स्कूल प्रथम हुँदै उपाधि हात पारेको हो ।
आज सोमबार दिउँसो गोर्खा स्कूल घोराहीमा जनजोति मावि र गोर्खा माविबीच सम्पन्न भएको फाइनल खेलमा गोर्खा मावि प्रथम भएको हो, भने जनजोति मावि हार व्यहोर्दै दोस्रो भएको छ ।
प्रतियोगिताको तेस्रो स्थान दीपशिखाले हात पारेको छ । प्रतियोगितामा १४ वटा विद्यालयले प्रतिष्पर्धामा भाग लिएका थिए ।
प्याब्सन दाङका अध्यक्ष मधुसूदन केसीको अध्यक्षता एवं प्याब्सन दाङका सल्लाहकार जीवनकुमार आचार्यको प्रमुख आतिथ्यतामा उक्त प्रतियोगितामा सम्पन्न भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
