घोराही, २९ पुस । दाङको घोराही– १६ मा रहेको राप्ती इञ्जिनियरिङ कलेजको ११ औं वार्षिक उत्सव तथा पुरस्कार वितरण समारोह कार्यक्रम सम्पन्न भएको छ । कलेजको आयोजनामा आज शुक्रबार कलेजकै प्रांगणमा एक कार्यक्रमकाबीच उक्त कार्यक्रम सम्पन्न भएको हो ।
राप्ती इन्जिनियर कलेजका प्रिन्सीपल रेशम गिरीले प्राविधिक शिक्षामा आत्मनिर्भर बनाउनका लागि कलेज संचालनमा ल्याइएको बताए । उनले कलेजबाट उत्पादन दक्ष जनशक्ति अहिले नेपाल सरकारको उप सचिवमा समेत कार्यरत रहेको उद्घोष गरे । कलेजमा अहिले ३९ जना विद्यार्थीले छात्रवृत्तिमा अध्ययन गरिरहेका जानकारी गराउदै प्रिन्सीपल गिरीले कलेजबाट उत्पादन भएका विद्यार्र्थीहरु पछिल्लो समयमा निजी तथा सरकारी क्षेत्रमा कार्यरत रहेको जानकारी दिए ।
उक्त कार्यक्रममा कलेजका विद्यार्थीहरुलाई विभिन्न विधामा सम्मानपत्र तथा प्रमाणपत्र वितरण गरिएको थियो ।
विद्यार्र्थीहरुले स्वागत नृत्यसहित कौडा लगायतका थुप्रै नृत्य प्रस्तुत गरेका थिए । सो अवसरमा रक्तदान कार्यक्रम समेत गरिएको थियो ।
घोराही उपमहानगरपालिकाका प्रवक्ता राममणी पाण्डे, तुलसीपुर उपमहानगरपालिकाका बैठक व्यवस्थापन समितिका संयोजक झरेन्द्र खरेल, दाङ चेम्बर अफ कमर्शका अध्यक्ष बलदेव योगी, मानव अधिकारकर्मी बिनोद केसी लगायतले शुभकामना मन्तव्य राखेका थिए ।
राप्ती इन्जिनियर कलेजका व्यवस्थापन समितिका अध्यक्ष तथा कलेजका प्रवन्ध निर्देशक डा। भिमसेन गिरीको अध्यक्षता एवं पोखरा विश्वविद्यालयका रजिस्ट्रार दिपकबहादुर भण्डारीको प्रमुख आतिथ्यता कार्यक्रम भएको थियो ।
कलेजका प्रिन्सीपल रेशम गिरीको स्वागत मन्तव्यबाट सुरु भएको कार्यक्रमको सहजीकरण विश्वबन्दु थापाले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
