घोराही, २९ पुस । घोराही उपमहानगरपालिका वडा नंम्वर १८ मा रहेको माउन्ट भ्यू ईङ्लिश वोर्डिङ स्कुलको ३९ औ वार्षिक उत्सव सम्पन्न भएको छ । विद्यालय व्यवस्थापन समितिका अध्यक्ष रमेश लमसालको अध्यक्षता तथा घोराही उपमहानगरपालिकाका नगरप्रमुख नरुलाल चौधरीको प्रमुख आतिथ्यतामा विद्यालय प्रागणमा एक कार्यक्रम गरी वार्षिक उत्सव मनाईएको हो ।
कार्यक्रममा बोल्दै प्रमुख अतिथी नगरप्रमुख नरुलाल चौधरीले शिक्षा नै विकासको मुख्य आधार भएको बताउनु भएको हो । अहिलेको प्रतिस्पर्धात्मक समयको आवश्यकता, यसको रफ्तार र गतिशीलतासँगै अघि बढ्न सक्ने किसिमको जनशक्ति निर्माण गर्न शैक्षिक सिकाईविना सम्भव नहुने बताउनु भएको हो । माउन्ट भ्यू स्कुलले पनि समयसापेक्ष तथा प्रायोगात्मक शिक्षालाई जोड दिदै अघि बढेको भन्दै आफूलाई आफैंसँग प्रतिष्पर्धी बनाएर गुणस्तरिय शिक्षा दिलाउन आवश्यक रहेको बताउनु भयो । गुणस्तरिय तथा व्यवहारियक शिक्षा नै समृद्धिको आधार भएको बताउनु भयो ।
बिद्यालय संचालक समितिका सदस्य एवं पुर्व शिक्षक मस्त बहादुर श्रेष्ठ, प्लस टु तर्फका बिज्ञान संयोजक किरण पौडेल, शिक्षक शोभाराम खनाल, शिक्षक सिर्जन अधिकारी, कम्युटरको विधिबाट विज्ञान पढाउने ताइवानमा सम्पन्न कार्यक्रममा स्वर्ण पदक प्राप्त गर्न सफल विद्यार्थीहरु किर्तन भन्डारी, अविरल रिजाललाई सम्मान्न गरिएको हो । कार्यक्रममा अघिल्लो वर्ष उत्कृष्ट नतिजा ल्याउने विद्यार्थीहरु तथा विद्यालयले संचालन गरेका विभिन्न कार्यक्रमहरुमा उत्कृष्ट स्थान हाँसिल गर्नेलाई पुरस्कृत एवं सम्मान गरिएको हो । विभिन्न कविता, गित, नृत्यु, नाटकहरु प्रस्तुत तथा सांस्कृतिक कार्यक्रम गरिएको हो ।
विद्यालयका प्रबन्ध निर्देशक अरुणकुमार शर्माको स्वागत मन्तव्यबाट सुरु भएको कार्यक्रमको सहजिकरण शिक्षक धनिराम न्यौपाने र तिर्थराज चौधरीले गर्नु भएको थियो । माउन्ट भ्यूले यसवर्ष विभिन्न समाजिक तथा रचनात्मक काम गर्दै वार्षिक उत्सव सम्पन्न गरेको हो । स्कूलले आफ्नो वार्षिक उत्सवको अबसरमा तीन दिवसीय कार्यक्रमको आयोजना गरि पहिलो दिन नवलपुर खेल मैदान र अम्विकेश्वरी मन्दिर परिसर सरसफाई, दोस्रो, तेस्रो दिन विद्यालयमा खेलकुद र विहिवार रक्तदान कार्यक्रम, शुक्रबार वार्षिकोत्सव समापन गरिएको विद्यालयका प्रधानाध्यापक कृष्णप्रसाद पोखरेलले जानकारी दिनुभएको हो ।
रक्तदान नै जिवन दान भन्ने उद्देश्यका साथ रक्तदान कार्यक्रमको आयोजना गरिएको विद्यालय व्यवस्थापन समितिका अध्यक्ष रमेश लमसालले जानकारी दिनुभएको छ । विद्यालयले शुक्रवार अभिवक भेला तथा वार्षिक उत्सव समहारो कार्यक्रमको आयोजना गरेको छ ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
