घोराही, २४ पुस । निजी तथा आवासीय विद्यालय अर्गानाइजेसन, नेपाल (प्याब्सन) दाङको ३२ औं स्थापना दिवस सम्पन्न भएको छ । प्याब्सको आयोजनामा शनिबार घोराहीमा रहेको होटेल पौवामा उक्त दिवस सम्पन्न भएको हो ।
प्याब्सन दाङका अध्यक्ष मधुसूदन गिरीको अध्यक्षता एवं केन्द्रीय सचिव यादव गरीको प्रमुख आतिथ्यता कार्यक्रम थियो । प्याब्सनले पुस २२, २३ र २४ गते तीन दिनसम्म आफ्नो स्थापना दिवस मनाएको छ । जिल्ला ट्राफिक दाङको सहकार्यमा पुस २२ गतेदेखि ट्राफिक सचेतना कार्यक्रम गरि आफ्नो स्थापना दिवसको सुरुवात गरेको थियो भने पुस २३ गते पत्रकारसँग मैत्रीपूर्ण भलिबल आयोजना गरेको थियो ।
उक्त कार्यक्रममा प्याब्सन दाङले विभिन्न उच्च शैक्षिक व्यक्तित्वहरुलाई सम्मान गरेको छ । सम्मान हुनेमा प्याब्सनका केन्द्रीय निवर्तमान प्राज्ञिक सल्लाहकार अरुण कुमार शर्मा, प्याब्सनका दाङका वरिष्ठ सल्लाहकार केशव थापा, प्याब्सन दाङका सल्लाहकार जीवन कुमार आचार्य र विनयकुमार मिश्र, रहेका छन्, भने प्याब्सन घोराही नगर उकृष्ट रूपमा सम्मानित भएको छ । त्यसैगरी पत्रकारिता माध्यमबाट प्याब्सन दाङको गतिविधिलाई उच्च प्राथमिकता दिएको भन्दै प्याब्सनले नयाँ युगबोधका पत्रकार गोबिन्द खड्कालाई नगद ५ हजारसहित सम्मान गरेको हो ।
त्यस्तै जिल्लास्तरीय हाजिरी जवाफ प्रतियोगितामा प्रथम हुने गुरुकुल एकेडेमी, द्वितीय हुने जनज्योति विद्यामन्दिर र तृतीय हुने ज्यानजोति एजुकेशन एकेडेमीका विद्यार्थीहरुलाई पुरस्कार र सम्मान पत्र वितरण गरिएको थियो भने प्रथम, द्वितीय र तृतीय स्थान हासिल गर्ने विद्यालयलाई ट्रफी र सम्मान पत्र वितरण गरिएको थियो ।
त्यसैगरी मैत्रीपूर्ण भलिबल खेलमा विजेता नेपाल पत्रकार महासंघ दाङ र उपविजेता प्याब्सन दाङलाई प्रमाणपत्र वितरण गरिएको थियो ।
कार्यक्रममा प्याब्सनका केन्द्रीय निवर्तमान प्राज्ञिक सल्लाहकार अरुण कुमार शर्मा, प्याब्सन दाङका वरिष्ठ सल्लाहकार केशव थापा, प्याब्सन दाङका सल्लाहकार जीवन कुमार आचार्य र विनयकुमार मिश्र, प्याब्सन घोराही नगरका अध्यक्ष बिरेन्द्र चन्द, प्याब्सन तुलसीपुर नगरका अध्यक्ष गिरीराज डाँगी, सम्मानित पत्रकार गोबिन्द खड्काले मन्तव्य राखेका थिए ।
प्याब्सन दाङका वरिष्ठ उपाध्यक्ष बिजयमा जिएमको स्वागत मन्तव्यबाट सुरुभएको कार्यक्रमको सहजीकरण प्याब्सनका जिल्ला सचिव आदिम केसीले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
