खुम बहादुर सुनार
लिवाङ, २४ पुस । रोल्पाको सुनछ्हरी गाउँपालिका वडा नम्बर ७ जेलबाङमा माघे संक्रान्तिको अवसरमा शुभकामना आदानप्रदान तथा खेलकुद प्रतियोगिता हुने भएको छ । मगरहरुको महान चाड माघे संक्रान्तिको अवसरमा माघे संक्रान्ति विशेष अवसरमा माघ २–४ गतेसम्म उक्त प्रतियोगिता हुने भएको हो ।
पर्यटन प्रवर्द्धन तथा गेमी होमस्ते संस्था जेल्बाङको आयोजनामा कार्यक्रमको आयोजना गरिएको होमस्ते संस्थाका अध्यक्ष पृथ्वी पुनमगर ( बालकुराम) ले जानकारी दिनुभएको छ ।
विभिन्न दाताहरुको सहयोगले खेलकुद प्रतियोगिता आयोजना गरिएको अध्यक्ष पुनले बताउनुभयो । उहाँका अनुसार पुरुष भलिबल,महिला भलिबल, धनुषवाण हान्ने, पुरुष तथा महिला रसाकस्सी,घैटाफोर र भाले पकड प्रतियोगिता आयोजना गरिएको छ ।
साथै कार्यक्रममा सहभागी विभिन्न झाकी समुहहरुलाई पुरस्कारको व्यवस्था समेत गरिएको आयोजकले जानकारी दिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
