राजपुर-१६ पुस। राजपुर गाउँपालिका ३ नंबर वडा भैसहवास्थित श्री जनकल्याण सामुदायिक वन उपभोक्ता समूहको नया नेतृत्व समितिका लागि शनिबार मतदान भएको छ।
गत शनिबार बसेको साधारणसभाकाे बैठकबाट नयाँ नेतृत्व समितिका लागि चुनाव हुने भएको थियो। सदस्य बाहेक अन्य सबै पदमा दुई प्यानलबिच उम्मेद्वारी घोषणा भएको थियो। 
उम्मेदवारीमा गैँडा चुनाव चिन्हका प्यानलबाट अध्यक्षमा लिला राम यादव उपाध्यक्षमा राम बहादुर यादव, कोषाध्यक्षमा तारा विक, सचिवमा बालक राम यादव, र सह–सचिवमा शेर बहादुर यादव त्यस्तै बिपक्षी बाघ चुनाव चिन्हका प्यानलबाट अध्यक्षमा केशव राम यादव उपाध्यक्षमा सिता विक , कोषाध्यक्षमा राज बहादुर यादव , सचिवमा शान्ति कामी, र सह–सचिवमा शिव कुमार यादवकाे उम्मेद्वारी रहेको सदस्य पदमा भने स्वतः निर्विरोध भएको निर्वाचन संयोजक राम प्रसाद यादवले जानकारी दिनुभएको छ । 
जम्मा कुल २९९ उपभोक्ता संख्या भएको मतदानमा २९३ मत परिणाम खसेको छ। बिहान ८ बजेबाट सुरु भएको मतदान दिँउसो २ बजेसम्म भएको थियो। अब केही बेरमा मतपरिणाम गणना सुरु हुने जानकरी निर्वाचन अधिकृत पुष्कर बिश्वकर्माले जानकारी दिनुभएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
