रुकुम पूर्व प्रदेश सभा २ बाट नवनिर्वाचित सांसद धनबहादुर केसीले नेपाल विद्युत प्राधिकरणका कार्यकारी निर्देशक कुलमान घिसिङसंग भेट गर्नुभएको छ ।
जिल्लाको विद्युतिकरणको समस्या लिएर सांसद केसी आज नेपाल विद्युत प्राधिकरण पुग्नुभएको थियो । जसक्रममा सांसद केसीले कार्यकारी निर्देशक घिसिङसंग भेट गर्दै जिल्लामा विद्युत विस्तारको माग गर्नुभएको छ । सांसद केसीले विशेषगरी जिल्लाको सिस्ने गाउँपालिका वडा नम्बर १ मा विद्युतिकरणको लागि माग गर्नुभएको छ ।
अहिलेसम्म सडक, बिद्युत लगायतका अत्यावश्यक सेवाबाट बञ्चित रहेको विकट वडा नम्बर १ मा केन्द्रीय प्रसारण लाइनको विद्युत पुर्याउन केसीले घिसिङ समक्ष माग गर्नुभएको थियो । त्यस्तै सिस्ने गाउँपालिका वडा नम्बर ३, ४ लगायत जिल्लाभरमा केन्द्रीय प्रसारण लाइन विस्तारका लागि सांसद केसीले नेपाल विद्युत प्राधिकरणलाई आग्रह गर्नुभएको थियो । जवाफमा कार्यकारी निर्देशक घिसिङले विद्युतिकरण हुन नसकेका विकट वस्तीहरु प्राधिकरणको प्राथमिकतामा रहेको बताउनुभएको थियो ।
सोही अनुसार सिस्ने गाउँपालिका वडा नम्बर १ मा विद्युतिकरणका लागि ठेक्का लागिसकेको जानकारी गराउँदै जिल्लाका सबै वस्तीमा विद्युतिकरणका लागि नेपाल विद्यतु प्राधिकरणले क्रमागत रुममा काम गरिरहेको र त्यसलाई थप तिव्रता दिन आफुले सम्बन्धीत ठाउँमा निर्देशन गर्ने पनि घिसिङले बताउनुभएको थियो । साथै उहाँले नवनिर्वाचित सांसद केसीलाई बधाई दिँदै कार्यसफलताको शुभकामना दिनुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
