घोराही, २० मंसिर । रोल्पाको रुन्टीगढी गाउँपालिका – ६ मा रहेको जनजागृति प्राविको अभिभावक भेला सम्पन्न भएको छ । विद्यालयको आयोजनामा सोमबार उक्त भेला विद्यालयको प्रांगणमा सम्पन्न भएको हो ।
उक्त भेलाले खिमलाल रानाको अध्यक्षतामा ९ जना विद्यालय व्यवस्थापन समिति गठन गरेको छ । जसको सदस्यहरुमा वडा प्रतिनिधि प्रेमा विक, शिक्षक नारायण थापा र हिरा घर्ती, भिभावक लोकबहादुर बुढाथोकी, हिरा थापा, कमला राना, शशिराम बस्नेत, भूपबहादुर रेउले रहेको सोही वडामा रहेको बिहानी जागरण युवा क्लवका अध्यक्ष केशर रावतले जानकारी दिए ।
विद्यालय व्यवस्थापन समितिका अध्यक्ष भूपबहादुर रेउलेको अध्यक्षता एवं रुन्टीगढी गाउँपालिका ६ का वडा अध्यक्ष घनबहादुर घर्तीको प्रमुख आतिथ्यतामा कार्यक्रम भएको थियो । कार्यक्रमको सहजीकरण विद्यालयकी शिक्षिका रुपा घर्तीले गरेकी थिइन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।