लुम्बिनी प्रदेशको स्थायी राजधानी राप्ती उपत्यका (देउखुरी)को अधिकांश भूभाग समेट्ने दाङको राप्ती गाउँपालिकाका अध्यक्ष प्रकाश बिष्टले स्थायी राजधानीमा कर्मचारीलाई कुनै अभाव हुन नदिने प्रतिबद्धता जनाउनुभएको छ ।
स्थायी राजधानीमा जाँदा सेवा सुविधा कम हुने आन्दोलन गरेका कर्मचारीलाई सम्बोधन गर्दै उहाँले भन्नुभयो– ‘तपाइहरुका लागि आबश्यक पर्ने भौतिक संरचना राप्ती गाउँपालिका, गढवा गाउँपालिका र लमही नगरपालिकामा प्रयाप्त छन, त्यसकारण बस्ने घर पाइदैन भनेर बाहना नगर्नुहोस् । तपाईंहरुका लागि आबश्यक पर्ने खाद्यान्न, तरकारी दैनिक उपभोग्य बस्तु सबै यहाँ हामी ब्यबस्था गर्न सक्छौ।’
कर्मचारीका छोराछोरीहरुले पढ्ने प्रशस्त मात्रामा सामुदायिक तथा संस्थागत विद्यालय रहेको, बिरामी हुदा उपचार गर्ने अस्पताल पनि प्रशस्त रहेको उल्लेख गर्दै उहाँले भन्नुभयो– ‘अनि किन बहानाबाजी गर्नुहुन्छ रास्ट्रसेवकहरुले ? जागिर खादा सरकारले पठाएको ठाउँमा जान्छौ भनेर कसम खानुभएको बिर्सनुभयो ? रास्ट्र र जनताको विरुद्धमा यस्ता निर्णय गर्ने ट्रेड युनियन किन चाहियो ?’
यदि प्रदेश सरकारका कर्मचारी नआए दाङका १० वटै स्थानीय सरकारले आफूँग भएका रास्ट्रसेवकहरुलाई खटाएर भए पनि राजधानी देउखुरी उपत्यकामै संचालन गर्न प्रतिबद्ध रहेको पनि उहाँले स्पष्ट गर्नुृभयो । ‘यस्ता कर्मचारीलाई बर्खास्त गर्ने कानुन बनाउनुपर्छ र ज्यालादारी अथवा करारमा कर्मचारी ल्याएर भए पनि काम गर्नुपर्छ’– उहाँले भन्नुभयो– ‘चाहना भए बहाना आफै हराएर जान्छ। तपाईंहरु बहानाबाजी गर्दै गर्नुस्, हामी स्वागत गर्दैछौ।’
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
