नबिन पि.एम.
सल्यान, १३ मंसिर । सल्यानबाट प्रतिनिधि सभा सदस्यमा चुनाव जितेसंगै आफ्नो गृह क्षेत्र पुग्नुभएका संघीय सांसद प्रकाश ज्वालालाई स्थानीय मतदाताहरुले भव्य स्वागत गरेका छन् । चुनाव जितेसँगै सोमबार आफ्नो गृहक्षेत्र बनगाड कुपिन्डे नगरपालिका -१ सल्लीबजार पुग्नु भएका ज्वालालाई स्थानीय समुदाय र नगरपालिकाको तर्फबाट भव्य स्वागत , बधाई तथा सम्मान गरिएको छ ।
सल्लीबजारमा सल्यानबाट बाम लाेकतान्त्रिक गठबन्धनका साझा नव निर्वाचित संघीय सांसद ज्वाला, संगै प्रदेश क बाट निर्बाचित प्रदेश सांसद भिम प्रकाश शर्मा र प्रदेश ख बाट निर्वाचित प्रदेश सांसद सुरेश अधिकारीलाई सल्लीबजारमा भव्य स्वागत तथा बधाई सहित अभिनन्दन गरेका छन । सल्यानि विजय उम्मेदवारहरुलाइ घरघरबाट फुलमाला र पुष्प गुच्छाले स्वागत तथा अभिन्नदन गरिएको छ ।सोमबार धन्यवाद ज्ञापनका लागि उहाँहरु सल्यान पश्चिममा मतदाता माझमा पुग्नु भएको हो । बिजय सभामा बोल्दै चुनावको समयमा जनताको बिचमा गरेका प्रतिबद्धता पूरा गर्ने समेत उहाहरुले बताउनु भएको छ ।
कार्यक्रममा नेकपा एकीकृत समाजवादीका नेता,कार्यकर्तासहित गठबन्धन दलहरु नेपाली कांग्रेस र नेकपा माओवादी केन्द्रका जिल्ला स्तरका नेता कार्यकर्ताको सहभागिता थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।