खुमबहादुर सुनार
लिवाङ, २९ कार्तिक । आसन्न मंसिर ४ गते सम्पन्न हुने प्रतिनिधिसभा तथा प्रदेशसभा निर्वाचनमा रोल्पा जिल्ला कारागारका ६१ जना कैदीबन्दीले मतदान गर्न पाउने भएका छन् ।
कारागारमा रहेका १ सय १६ जना कैदीबन्दीहरूमध्ये ६१ जनाले मतदाताले प्रतिनिधिसभा सदस्यको समानुपातिकतर्फ मतदान गर्न पाउने भएका हुन् । कारागारमा रहेका १० जना महिला कैदीमध्ये ६ जना महिला र १ सय ६ जना पुरुष कैदीमध्ये ५५ जना पुरुष मतदाताहरूको मात्र मतदाता नामावलीमा नाम समावेश रहेको पाइएको छ।
मतदाता नामावलीमा नाम समावेश भएका कैदीबन्दीले मात्र प्रतिनिधिसभा सदस्यको समानुपातिकतर्फ मतदान गर्न पाउने रोल्पा कारागारका जेलर यमलाल वलीले बताउनुभयो । कारागार परिसरभित्रै अस्थायी मतदान केन्द्र स्थापना गरेर उनीहरुलाई अस्थायी मतदाताको रुपमा मतदान गर्न पाउने व्यवस्था मिलाइएको छ कैदीबन्दी धेरै भए पनि मतदाता नामावलीमा ६१ जनाको नाम छ जेलर वलीले जानकारी दिनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
