प्रेम क्षेत्री
राष्ट्रिय स्वतन्त्र पार्टी दाङले कार्तिक २७ आइतबारका दिन राष्ट्रिय स्वतन्त्र पार्टीको चुनावी घरदैलोमा हिडेको चितवनको भरतपुर इच्छाकामना गाउँपालिकामा पार्टी सभापति रबि लामिछानेको कार्यकर्ता चढेको गाडिमाथि ढुङ्गा प्रहार गरेको भन्दै घोर भत्सर्ना एवं निन्दा व्यक्त गरेको छ ।
पार्टीका दाङ जिल्ला सचिव किसन वली र जिल्ला सभापति ओपेन्द्र दाहालले संयुक्त रुपमा आज सोमबार एक प्रेस विज्ञप्ति जारी गर्दै उक्त घटनाप्रति निन्दा व्यक्त गरेका हुन् । देशब्यापी राष्ट्रिय स्वतन्त्र पार्टीको पक्षमा जनमत देखिएपछि हारको मानसिकताको उपज भएको र हाम्रो इमान्दारितामाथी दमनको शैली अपनाउने पुरानो परम्परा भएकोले विकल्पमा राष्ट्रिय स्वतन्त्र पार्टी जन्मेकोले राष्ट्रिय स्वतन्त्र पार्टी दाङ जिल्ला सभापति ओपेन्द्र दाहालले बताए ।
निर्वाचन आचारसंहितालाई उलंघन गरि हाम्रो शान्तिपूर्ण कार्यक्रमलाई बिथोल्ने सक्रिय ती अपराधीहरुलाई कडा भन्दा कडा कानुनी कार्वाही गर्न र फेरि यस्ता गतिविधि दोहोरिन नदिनकालागी प्रहरी प्रशासनसमक्ष विनम्र अनुरोध पनि गरेको विज्ञप्तिमा उल्लेख छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।