कमल खड्का
रोल्पा, २७ कार्तिक । शिक्षा क्षेत्रमा देखिने गरी परिवर्तन ल्याउनका लागि रोल्पाको रुन्टीगढी गाउँपालिकाले विद्यालय अनुगमलाई अघि बढाएको छ । गाउँपालिकाको शिक्षा शाखाले आज आइतबार रुन्टीगढी गाउँपालिका वडा नं. ६ मा रहेको नेपाल राष्ट्रिय माध्यामिक विद्यालयको अनुगमन गरेको हो ।
विद्यालय शिक्षाकोस्तर सुधार गर्ने लक्ष्य अनुसार अनुगमनको पाटो अगाडि बढाइएको छ । विद्यार्थीको शैक्षिक गुणस्तर, पठनपाठनको अवस्था तथा भौतिक , तथा सरसफाइको अवस्थाको बारेमा अनुगमन गरिएको हो ।
रुन्टीगढी गाउँपालिका शिक्षा शाखा प्रमुख अन्जु शर्मा , गाउँपालिका अध्यक्ष जनक पुन, सामाजिक विकास समिति संयोजक तथा रुन्टीगढी गाउँपालिका वडा नं. ७ का अध्यक्ष टेकलाल पुन, वडा नं. ६ का अध्यक्ष घन बहादुर घर्तीसहितको टोलीले संयुक्त अनुगमन गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
