नेकपा माओवादी केन्द्र दाङ घोराही उपमहानरपालिका वडा नम्बर १९ का उपाध्यक्ष सुदीप सुनारसहितका नेता कार्यकर्ता माओवादी केन्द्रमा फिर्ता भएका छन् । केही दिनअघि एमाले प्रवेश गरेका सुनार, वडा कमिटी सदस्य रोहित बिकलगयातका नेता कार्यर्ता पार्टीमा फिर्ता भएका हुन् ।
नेकपा माओवादी केन्द्रको पोलिटब्यूरो सदस्य हेमराज शर्मा ‘डायमण्ड’, जिल्ला सचिव विश्वराज आचार्य, नेता मने विक ‘उदय’लगायतसँगको छलफलपछि उहाँहरु आफ्नै पार्टीमा फर्कनुभएको हो । माओवादी केन्द्रका सचिव आचार्यले भने पार्टीभित्रको अन्तरसंघर्षका कारण बाहिर बस्नुभएका सुनार, बिकसहितका नेता कार्यकर्ता पार्टी काममा फर्केको बताउनुभयो । उहाँहरु पहिले पनि माओवादीमा रहेको र अब पार्टी काममा लाग्ने जानकारी दिनुभयो ।
सुनार र विकले एक विज्ञप्ति जारी गरी भन्नुभएको छ– ‘गौरवपूर्ण इतिहास निर्माण गरेको गौरवशाली पार्टी नेकपा माओवादी केन्द्रले प्रदान गरेको जिम्मेवारी वहन गर्दै गठबन्धनका उम्मेदवारलाई विजयी गराउन कटिबद्ध छौं ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
