आगामी मंसिरमा हुने संघीय निर्वाचनका लागि चितवनको क्षेत्र नम्बर ३ मा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नै हुनुपर्नेमा जोड दिएका छन् ।
बिहीबार भरतपुर महानगरपालिकाकी मेयर रेणु दाहाल, गठबन्धनबाट निर्वाचित वडाअध्यक्ष र उद्योगी व्यवसायीले प्रचण्डलाई भेटेर उनलाई नै ३ नम्बर क्षेत्रको उम्मेदवार बन्न जोड गरेका हुन् । उनीहरुले प्रचण्डसँगै वरिष्ठ नेता नारायणकाजी श्रेष्ठ, कांग्रेस महामन्त्री गगन कुमार थापालाई समेत भेटेका थिए ।
वडाअध्यक्ष राम गोदारका अनुसार प्रचण्ड चितवन बाहिर जाँदा राजनीतिमा दुर्घटना हुन सक्ने भन्दै चितवनमै उम्मेदवार बन्न अनुरोध गरेको बताए । ‘गठबन्धनका हामी सवै वडा अध्यक्षले गठबन्धनको उम्मेदवार बन्न अपिल गरेका छौं ’,उनले भने ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
