कमिरेचौर,११ असोज । दाङको बंगलाचुली गाउँपालिकाले आफ्नो पालिकामा बसोबास गर्ने स्थानीयको निशुल्क डेङ्गी परिक्षण गर्ने भएको छ । बंगलाचुली गाउँपालिकाभित्र डेङ्गी संक्रमितको लक्ष्यण भएका विरामीहरुलाई निशुल्क परिक्षणको व्यवस्था गरेको बंगलाचुली गाउँपालिका अध्यक्ष तुल्सीराम पुनले जानकारी दिनुभयो ।
बंगलाचुली गाउँपालिका गाउँ कार्यपालिकाको बैठकले नै गाउँपलिकाको ८ वटै वडामा बसोबास गर्ने स्थानियहरुका लागि निशुल्क डेङ्गी परिक्षण गर्ने निर्णय गरेको अध्यक्ष पुनले जानकारी दिनुभयो । अन्यत्र ठाउँमा डेङ्गी परिक्षणको मनोमानी तवरले शुल्क लिईरहेको खवर आउँदा बंगलाचुलीका निम्न आय भएका स्थानियलाई सहजतका लागि निशुल्क डेङ्गी परिक्षणको व्यवस्था गरेको उहाँले जानकारी दिनुभयो । जनताको स्वाथ्यलाई ध्यानमा राख्दै स्थानिय सरकारले नागरिकलाई राज्यको अनुभव दिलाउन आफुहरुले यस्तो निर्णय गरेको अध्यक्ष पुनले जानकारी दिनुभयो ।
बंगलाचुली गाउँपालिकालको वडा नम्वर ३ को कमिरेचौरमा रहेको बंगलाचुली अस्पताल, वडा नम्वर एकमा रहेको प्राथमिक स्वास्थ्यचौकी स्यूजा,वडा नम्वर ५ मा रहेको लोहारपानी स्वास्थ्य चौकी र वडा नम्वर ८ मा रहेको हाँसीपुर स्वास्थ्य चौकीबाट निशुल्क डेङ्गी परिक्षण गरिने व्यवस्था मिलाईएकोछ ।
लगातार ज्वरो आउने, वाकवाकी लाग्ने, वान्ता आउने, शरिरमा थकान महसुस हुने व्यक्तिहरुले यी स्थानहरुमा गएर डेङ्गी परिक्षण गराउन गाउँपालिका स्वास्थ्य शाखाले सबैलाई अनुरोध गरेको छ ।यस्ता लक्षण भएका विरामिहरुले समयमै स्वास्थ्य संस्थामा पुगेर सेवालिन भनिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
