कमल खड्का
होलेरी, ८ असोज । रोल्पाको रुन्टीगढी गाउँपालिकाले पहिलो पटक प्रत्येक वडाबाटै सामाजिक सुरक्षा भत्ता वितरण गर्ने भएको छ । पहिले विभिन्न बैंक मार्फत वितरण गर्दै आएको सामाजिक सुरक्षा भत्ता अहिले राष्ट्रिय बाणिज्य बैकं मार्फत प्रत्यक वडा स्तरबाटै वितरण गर्ने तयारी गरेको छ ।
बैंक कार्यलयबाट वितरण गर्दा दुरी टाढा भएका सेवा ग्राहीलाई समस्या भएकोले अब सेवाग्राहीलाई सहजताको लागि वडास्तरबाटै वितरण गर्न लागिएको हो । जसको जिम्मा राष्ट्रिय बाणिज्य बैंकले लिएको छ । यस अघि अन्य बैंक बाट बुझदै आएका लाभग्राहीले अब त्यहाँबाट प्राप्त गर्न सक्ने छैन्न । पहिलो चरणको सामाजिक सुरक्षा भत्ता वडा न:- ९ को सर्पालबाट सुरु गरिने रुन्टीगढी गाउँपालिका अध्यक्ष जनक पुनले जानकारी दिनु भएको छ ।
सेवाग्राहीलाई भत्ता लिन आउदा राष्ट्रिय वाणिज्य बैंकको चेक लिएर असोज १० गते बिहान १० बजे आउन समेत आग्रह गरिएको छ । यसरी नै क्रमिक अन्य रुपमा वडाहरुमा पनि वितरण गरिने भएको छ ।
तर पाएक पर्ने लाब ग्राहीले भने राष्ट्रिय बाणिज्य बैंकको शाखा कार्यलय होलेरी रोल्पा बाट पनि भत्ता बझ्न सकिने भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
