लुम्बिनी प्रदेश सरकारले स्थायी राजधानी ब्यवस्थापन जग्गा एकीकरण सञ्चालक समितिको अध्यक्षमा श्यामेश चौधरीलाई मनोनित गरेको छ ।
मुख्यमन्त्री तथा मन्त्रिपरिषद् कार्यालयले भौतिक पूर्वाधार प्राधिकरण सञ्चालन कार्यबिधिअनुसार उहाँलाई चार बर्षका लागि सो पदमा मनोनित गरेको हो ।
समितिमा विभिन्न मन्त्रालयले तोकेका अधिकृतस्तरका कर्मचारीसहित ११ सदस्यीय सञ्चालक समिति रहने ब्यवस्था छ । जसको सदस्य सचिव इञ्जिनियर रहने व्यवस्था छ ।
अध्यक्ष चौधरीले जग्गा एकीकरण नियमावलीअनुसार जग्गा एकीकरणको काम अघि बढाउने प्रतिबद्धता व्यक्त गर्नुभएको छ । लुम्बिनी प्रदेशको स्थायी राजधानी देउखुरीमा राजधानी व्यवस्थापनका लागि जग्गा एकीकरण कार्यक्रम सञ्चालन हुँदैछ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
