पुरन शर्मा

सदियौ देखि
उनीहरु फलाँकिराछन्
आफ्ना गफ
हामी मात्रै सुनिरहेछौं

चाहन्न म सुन्न ती गफ
तर, सुन्नै पर्छ
वाहियात कुरा, गफ किन सुन्ने ?
मुन्टो बटार्दै गर्दा हप्काउँछ ।
भन्छ– सुन तँ, सुन्नै जन्मिएको होस्ू
हो त सुन्नै जन्मिएको म ?

उहिल्यै देखि
वेढंगको नाच, शासकको
नग्न दृश्य सत्ताधारीको
हेरिरहेको छु
वाध्यतावस्, मन छैन
हेर्न आँखा चिम्लिन्छु
धम्की दिन्छ शासक
हेर हेर्नैपर्छ, हाम्रो नाच
ूतँ हेर्नै जन्मिएको होस्ू

धेरै पहिल्यै बाट
सुन्दै छु, कर्कस आवाज
राक्षसी स्वर
अट्हास्, हाम्रै वर्ग मास्ने
गरिखानेलाई सिध्याउने
बिद्रोह बोल्न खोज्छु
मुठ्ठी उठाऊँछु,
राक्षस् दबाउँछ र भन्छ
सुन, तैले सुन्नै पर्छ
किनकि ूतँ सुन्नै जन्मिएको होस्ू

के म यी सबै
हेर्न, सुन्न जन्मिएँ ?
होईन, म त बोल्न, जन्मिएको
बोल्छु बिद्रोह चाहे जेहोस्
मारिन, मर्न किन नपरोस
नवलपुर, दाङ

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।