घोराही, ४ भदौ । नेपाल कम्युनिस्ट पार्टी घोराही उपमहानगरले आफ्नो पार्टीका लिडरमाथि सरकारले जारी गरेको पक्राउ पुर्जी तत्काल फिर्ता गर्नुपर्ने मागसहित घोराहीमा बिरोध प्रदर्शन गरेको छ । पार्टीले चार कम्युनिस्ट पार्टीको पूर्व घोषित संघर्षका कार्यक्रम अन्तर्गत शनिबार घोराहीमा उक्त प्रदर्शन गरेको हो ।
कोणसभालाई सम्बोधन गर्दै प्रमुख वक्ता समेत रहेका नेकपा घोराही उपमहानगरका इन्चार्ज निर्मलले राज्यले नेकपासँग गरेको तीन बुँदे सहमति कार्यान्वयन र पार्टी नेतृत्वमाथि जारी गरिएको पक्राउ पुर्जी यथाशीघ्र फिर्ता नगरे यो भन्दा काडा आन्दोलन गर्ने चेतावनी दिए ।
अखिल (क्रान्तिकारी)का दाङ जिल्ला संयोजक खुमन , नेकपा गढवा गाउँपालिका इन्चार्ज महानले कोणसभामा सम्बोधन गरेका थिए ।
घोराहीको सहिद गेटबाट शुरू भएको विरोध प्रदर्शन बजारका मुख्य मुख्य चोकमा परिक्रमा गरि तुलसीपुर चोकमा गएर कोणसभामा परिणत भएको थियो ।
कार्यक्रमको सहजीकरण युवा संगठन नेपाल दाङ जिल्ला सचिव पदम चन्दले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।