सिस्ने मिडिया एण्ड टेक्नोलोजी प्रालिद्वारा सञ्चालित सम्पर्क कार्यलय:
घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected] विज्ञापनका लागि 9809855403
मौलिक संस्कृतिलाई प्राथमिकता दिदै तिज विशेष कार्यक्रम गरिने
३१ श्रावण २०७९, मंगलवार
घोराही, ३१ साउन
दाङ देउखुरी होटल व्यवसायी समितीले आगामी भदौ ११ गते शनिवारका दिन गर्ने तिज मिलन तथा दर खाने कार्यक्रम २०७९ का बारेमा जानकारी दिएको छ । समितिका अध्यक्ष दिपेन्द्र पुनको अध्यक्षतामा आज घोराहीमा पत्रकार सम्मेलन गरेर कार्यक्रमका बारेमा जानकारी दिएको हो । हिन्दु नारीहरुको महान् पर्व हरितालिका तिजका अवसरमा राष्ट्रिय स्तरका कलाकारहरुको उपस्थितीमा घोराहीको होटल माला ईनमा भब्य कार्यक्रम गर्न लागएिको समितीका अध्यक्ष पुनले जानकारी दिनुभएको छ । मौलिक कला संस्कृतिलाई प्राथमिकता दिदै तिज विशेष कार्यक्रम गरिने बताईएको छ । समाजसँग जोडिएका विभिन्न सामाजिक त्रियाकलाप गर्दै आएको समितिले नेपाली नारीहरुको महान् पर्व तिजको मौलिक संस्कृतिलाई जगेर्ना गर्नुका साथै तिजलाई भब्य र सभ्य सफल बनाउन तिज मिलन कार्यक्रम आयोजना गर्न लागिएको जानकारी दिनुभयो । कार्यक्रमका लागी पहिलो चरणको सबै तयारी पुरा भैसकेको पुनले बताउनुभयो । उहाँका अनुसार कार्यक्रममा राष्ट्रिय कलाकार गायिका टिका पुन, कमल गाउलेलगाएतका स्थानिय कलाकारहरुको समेत प्रस्तुती र सहभागी महिलाहरुसँग कलाकारहरु संगसंगै नाच्ने गाउने र मनोरञ्जन प्रदान गर्दै प्रस्तुती दिने कार्यक्रम तय गरिएको छ । कार्यक्रममा सहभागिताका लागी टिकट विक्री सुरु भैसकेको छ भने प्रति टिकटको विक्री १५ सय रुपैयाँ तोकिएको छ । जसका लागि समितीको कार्यलय तथा विभिन्न होटल तथा रेष्टुरेण्टबाट टिकट विक्री भैरहेको समितीले जनाएको छ । १५ सय रुपैयाँको टिकटमै एसी सहितको हलमा नाचगानको मनोरञ्जनात्मक कार्यक्रम गरिनुका साथै दर खाने कार्यक्रम तय गरिएको छ । कार्यक्रममा बोल्दै नेपाल पत्रकार महासंघ दाङ शाखाका अध्यक्ष दुर्गालाल केसीले होटल व्यवसायी समितीले स्थानिय कला संस्कृतिलाई जगेर्ना गर्न महत्वपुर्ण भुमिका खेल्ने उदेश्य राखेको बताउनु भयो । उपाध्यक्ष मोहन केसीको स्वागत मन्तव्यबाट सुरु भएको कार्यक्रमको सहजिक सचिव श्यामकुमार विकले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।