नबिन पि.एम
सल्यान,२६ साउन । बनगाड कुपिन्डे नगरपालिका- ९ का विभिन्न भगका बारिमा किसानहरुले लगाएको मकैमा रातिमा बँदेल र दिनमा बाँदरका कारण किसानले हैरानी खेप्नुपरेको छ । बारीमा लगाएको मकै बँदेल र बाँदरले खाइदिन थालेपछि किसान मारमा परेका हुन् ।
९ नम्बरका टोकेन्द्र यरिलेले भन्नुभयो, “ केही समय यता किसानको बारिको मकै बालिमा बँदेल र बाँदरले खाइसेको छ ।”
बाँदरको हुल मकै बारिमा पस्ने गरेको छ । स्थानीयवासीले भगाउँदा सामुदायिक वनका नजिकका रुखमा बस्ने र मकै बारीमा कोही नभएको बेला हुलका हुल आएर एकैपटक पूरै बारीको मकै खाने गरेको सथानिय यरिले बताउनुभयो ।
यता बनगाड कुपिन्डे ३ को किम्टाकुरा तिम्लेचौर लगायतका बस्तिहरुमानि किसान्हरुले लगायको मकै बालिमा बँदेल दुम्सी बादर लगायतले दुख दिने गरेको स्थानीय चेतना पुनले बताइन |
स्थानीय जनप्रतिनिधिसँग छलफल गरी बँदेल र बाँदर नियन्त्रणका उपायहरु खोजी गरिने किसानहरुको भनाइ छ ।
अर्कोतर्फ सामुदायिक वन संरक्षण भई हराभरा भएकोले पनि जङ्गली बँदेल र बादरको उल्लेखनीय बसोबास हुनाका साथै यस क्षेत्रका किसानको बालिमा औधी क्षेती हुने गरेको अनुमान छ । समयमै बर्षा नहुदा उल्लेख उब्जनी नहुने मर्कामा परेका किसानलाई झनै जंगली बँदेल र वादरको आतंकले झनै पीडा थपेको छ |
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
