निराजन सिर्पाली
रुकुमपूर्वको सिस्ने गाउँपालिका वडा नम्बर ४ दादिङ निवासी चन्द्रकला बुढा विगत २५ वर्षदेखि पत्ता नलाग्ने रोगले थलिनुभएको छ ।
६५ वर्षीय बुढाले आफुले उपचार गर्दा पनि रोग पत्ता नलागेकाले आफूहरु पनि थाकिसकेको र आर्थिक अबस्थामा पनि निकै कमर भएकाले कसैले सहयोग गरे उपचार गरेर आफू ठिक हुने इच्छा व्यक्त गर्नुभएको छ ।
आहिले उहाँ हिड्न र सुत्न पनि सक्नुहुन्न दिनरात बसेरै उहाँको दैनिकी बितिरहेको छ । हिड्न नसक्दा दिसापिसाब गर्न पनि निकै गार्हो भएको छ ।
२५ वर्ष यता उहाँको खुट्टामा घाउ हुने चिलाउने अनि बिस्तारै मासु कुहिएर गल्ने समस्या देखापर्ने गरेको छ । योभन्दा अगाडि बायाँ खुट्टामा पनि उस्तै समस्या थियो । धेरै औषधि उपचार र अप्रेसन गरेर खुट्टा काटेपछि भने त्यो खुट्टा ठिक भएको तर फेरि सोही समस्या अर्को दाहिने खुट्टामा देखा परेपछि अब कसरी उपचार खर्च जुटाउने र उपचार गर्ने भन्ने अर्को तनावमा परिवार डुबेको उहाँकी बुहारी गौचना बुढाले बताउनुभयो ।
अहिले उहाँको दैनिकी एउटा कारागारमा बस्ने कैदी भन्दा पनि नाजुक अबस्थामा छ ।
उहाले भन्नुभयो– ‘एक दुई दिन बिरामी हुदा त सबैलाई कति अप्ठ्यारो हुन्छ, म त झन विगत २५ वर्षदेखि न त आरामले सुतेको छु, न त कुनै रमाइलो दिनहरु आएको महशुस भएको छ ।
भक्कानिदै उहाँले भन्नुभयो– म मर्न पनि नसकिने तर बाँच्दा यो घाउँले पिरोल्दा समाहाल्लिन नसकिने अवस्थामा पुगेकी छु । उहाँ मेरो जस्तो दुःख र यो रोग दुश्मनलाई पनि नलागोस् भन्दै दिनप्रतिदिन रोइरहनुभएको छ ।
अब ६५ वर्षीय चन्द्रकला र उहाँको परिवारलाई एउटै आशा छ कसैले सहयोग गरे यो दुःखबाट मुक्त हुने ।
उहाँलाई सहयोग गर्न चाहनेले निम्न नम्बरमा सम्पर्क गर्न सकिने छः
९७७९८१२८६८४८०
ं९७७९८४५२०३७८१
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
