मदन विसी/ रुकुमकोट
रुकुम पूर्वको सिस्ने गाउँपालिकाले तीन सामुदायिक विद्यालयलाई संगीतका सामग्री वितरण गरेको छ ।
लुम्बिनी प्रदेश सरकार मुख्यमन्त्री शैक्षिक सुधार कार्यक्रम अन्तर्गत २ वडाका ३ माविलाई संगीतका सामग्री प्रदान गरिएको हो ।
५ नम्बर वडाको कोट मावि रुमालबारा, रुक्मिणी मावि रुकुमकोट र त्रिभुवन जनता मावि छिप्रिदहलाई संगीत सामग्री प्रदान गरिएको कार्यक्रम संयोजक दुर्गा गौतमले जानकारी दिनु भएको छ ।
गाउँपालिका अध्यक्ष कृष्ण रेग्मी, उपाध्यक्ष गोपाल रेउले र संयोजक गौतमले संगीतका सामग्री विद्यालयलाई हस्तान्तरण गर्नुभएको छ । हरेक विद्यालयलाई एक वटा हार्मोनियम, १ वटा गितार, १ वटा बाँसुरी, १ वटा बेन्जो र १ वटा मादल वितरण गरिएको संयोजक गौतमले बताउनुभयो । विद्यार्थीको सांगीतिक प्रतिभा प्रस्फुटन गर्ने उद्देश्यले संगीत सामग्री वितरण गरिएको गौतमको भनाइ छ ।
विद्यालतमा छुट्टै संगीत कक्ष स्थापना गरि विद्यार्थीलाई संगीत सिकाउन संयोजक गौतमले शिक्षकहरुलाइ आग्रह गर्नु भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
