मदन वि.सी/रुकुमकोट
सिस्ने गाउँपालिका रुकुम पूर्वले विद्यालयलाई दिवा खाजाका लागि व्यवस्थापन सामग्री वितरण गरेको छ ।
३, ७ र ८ नम्बर वडाका ९ विद्यालयलाई खाजा व्यवस्थापन सामग्री वितरण गरिएको शिक्षा यूवा तथा खेलकुद शाखा प्रमुख मंगल सिंह बुढाले जानकारी दिनुभएको छ ।
मुख्यमन्त्री शैक्षिक सुधार कार्यक्रमबाट शिक्षा यूवा तथा खेलकुद शाखाले उक्त सामग्री वितरण गरेको हो ।
संघीय सरकारले खाजाको लागि मात्र बजेट विनियोजन गर्दै आइरहेको छ । प्रति विद्यार्थी १५ रुपैयाका दरले खाजाका लागि संघ सरकारले पैसा पठाउने गरेको गाउँपालिका अध्यक्ष कृष्ण रेग्मीले बताउनुभयो ।
संघले खाजाको पैसा मात्र पठाउने गरेको छ अध्यक्ष रेग्मीले भन्नुभयो त्यसले विद्यालयलाई व्यवस्थापन सामग्री जुटाउन अप्ठ्यारो हुदैँ आएको थियो ।
रेग्मीले थप्नुभयो दिवा खाजा कार्यक्रमलाई थप प्रभावकारी बनाउन मुख्यमन्त्री शैक्षिक सुधार कार्यक्रमबाट व्यवस्थापनका सामग्री हस्तान्तरण गरेका छौ ।
गाउँपालिका भित्रका मा.वि र आधारभूत गरि ९ विद्यालयलाई व्यवस्थापन सामग्री वितरण गरिएको उपाध्यक्ष गोपाल रेउलेले बताउनुभएको छ । व्यवस्थापन सामग्री अन्तरर्गत भट्टि चुलो, सिलिन्डर, डाडु, पनियो, करै र डेक्ची, वितरण गरिएको गाउँपालिकाका प्राविधिक सहायक नरेन्द्र ओलीले जानकारी दिनुभएको छ ।
उहाँका अनुसार सौजन्य आधारभूत विद्यालय पाङगा, आधारभूत विद्यालय भुरुङगा, आधारुभूत विद्यालय स्यालापाखा र आधारभूत विद्यालय नाथिगारलाई सामग्री वितरण गरिएको छ ।
यस्तै आधारभूत विद्यालय झिम्खोला, आधारभूत विद्यालय सान्चौर, जनसहयोग आधारभूत विद्यालय चिसापानी, जनता मा.वि पोखरा र मा.वि लम्पाकोटलाई पनि व्यवस्थापन सामग्री वितरण गरिएको छ ।
पालिका अध्यक्ष रेग्मी र उपाध्यक्ष रेउलेले खाजाका लागि व्यवस्थापन सामग्री सम्बन्धित विद्यालयका शिक्षकलाई आज हस्तान्तरण गर्नुभएको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।