मदन विसी /रुकुमकोट
सिस्ने गाउँपालिका अध्यक्ष कृष्ण रेग्मीले बिरामीलाई आर्थिक सहयोगका साथै भिटामिन वितरण गर्नुभएको छ । तत्कालिन जनयुद्धका सञ्चार पोष्ट प्रमुख तथा माओबादी केन्द्रका पूर्णकालिन कार्यकर्ता खमबहादुर थापालाई अध्यक्ष रेग्मीले आर्थिक सहयोगका साथमा फलफूल वितरण गर्नुभएको हो ।
अध्यक्ष रेग्मीले केबेन्द्र गौतम र राजु रेग्मीद्धारा सञ्चालित विपदका लागि राहत कोषबाट प्रदान गरिएका दुईवटा चेबनप्रास, एक बतल हिमासेल र जुस वितरण गर्नु भएको छ । रेग्मीले थप भिटामिन किन्न विरामि थापालाई नगद दुई हजार पनि हस्तान्तरण गर्नुभएको छ ।
थापाको स्वास्थ्य अवस्था बुझन अध्यक्ष रेग्मी अस्पताल पुग्नु भएको थियो । सिस्ने ६ झिङरीमा बस्दै आएका ६५ वर्षिय थापा विगत चार दिन देखि रुकुम पूर्व अस्पताल रुकुमकोटमा उपचारत हुनुहुन्छ । भाइरल ज्वरोले थलिएका थापाको स्वास्थ्यमा सुधार हुँदै गइरहेको उपचारमा संलग्न चिकित्सकले बताएका छन ।
विरामि भेटन अस्पताल पुग्नु भएका रेग्मीले मेडिकल सुपरिटेण्डेन्ट एवम् निमित्त कार्यालय प्रमुख डाक्टर अर्जुन बुढा मगरसंग सेवाप्रवाहका विषयमा सामान्य छलफल गर्नु भएको थियो । भएको स्रोत साधनको उच्च प्रयोग गरि विरामीलाई गुनासो रिहित सेवा दिन अध्यक्ष रेग्मीले अस्पतालका प्रमुख र चिकित्सकलाई आग्रह गर्नुभएको छ ।
आर्थिक सहयोग तथा भिटामिन वितरण कार्यक्रममा अध्यक्ष रेग्मीसहित युवाहरु, विकास विसी, प्रकाश कार्की, राजु रेग्मी, केबेन्द्र गौतम, रविन रेग्मी, जितेन्द्र बुढाथोकी र मदन विसीको उपस्थिति रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
