सल्यान, ११ साउन । सल्यानको कुपिण्डे तालमा टिकटक बनाउने क्रममा चिप्लिएर बेपत्ता भएका युवककाे शव भेटिएकाे छ ।
मंगलबार मध्यान्ह साढे १२ बजे कुपिण्डे तालमा चिप्लिएर बेपत्ता भएका दाङ तुलसीपुर ६ का अन्दाजी ३६ वर्षका वेद बहादुर बस्नेतकाे बुधबार दिउँसाे शव भेटिएकाे हाे ।
तालमा खसेर बेपत्ता भएपछि उनकाे सुरक्षाकर्मीले खाेजिकार्य गरेका थिए । बस्नेत खसेकाे ठाउँदेखि १५ मिटर पश्चिमकाे भागमा धेरै तालकाे धेरै तल गहिराइमा शव भेटिएकाे जिल्ला प्रहरी कार्यालय सल्यानका प्रहरी प्रमुख डिएसपी सुमित खड्काले बताए ।
मंगलबार बिहान साथीसँगै उनी कुपिण्डे ताल घुम्न आएका उनि तालको छेउमा उभिएर टिकटक बनाउने क्रममा चिप्लिएर खसेका थिए ।
कुपिण्डे तालमा यसअघि पनि पाैडी खेल्ने क्रममा एकजनाकाे डुबेर ज्यान गएकाे थियाे ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
