भ्यूमान पुन मगर
प्रेस सेन्टर नेपाल घोराही शाखाले नियमित प्रशिक्षण सञ्चालन गर्ने भएको छ ।
शाखा समितिको बैठकले सो निर्णय गरेको हो ।
पालिका शाखा अध्यक्ष सन्तोष डाँगीको अध्यक्षता एवं संगठनका दाङ जिल्ला इन्चार्ज प्रकाश चौधरीको प्रमुख, दाङ जिल्ला अध्यक्ष पाण्डव शर्मा र सचिव जनक नेपालीको विशिष्ट आतिथ्यतामा बसेको बैठकले सो निर्णय गरेको हो ।
बैठकले संगठनको केन्द्रीय समिति, प्रदेश समिती र जिल्ला समन्वय समितिका निर्णय र परिपत्र अनुरुप सांगठनिक काम गर्ने, जिल्ला समन्वय समितिसँग सहकार्य गरेर नियमित बचत गर्ने, हरेक महिनाको दोस्रो शनिवार बैठक गर्ने र बैठकमा अतिथिमार्फत नियमित राजनैतिक, पत्रकारिता र प्राविधिक विषयमा प्रशिक्षण संचालन गर्ने निर्णय गरिएको सचिव आभास बुढाथोकीले जानकारी दिनुभयो ।
बैठकले संगठनको बैंकमा खाता संचालन गर्ने, स्थानीय सरकारहरूसँग समन्वय गरेर पत्रकारिता सम्बन्धी क्षमता विकास तालिम संचालन गर्नेलगायतका निर्णय पनि गरेको छ । दाङका दश वटै पालिकामा प्रेस सेन्टरका शाखा समिति क्रियाशील छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
