घोराही, ४ साउन । दाङ घोराही -१५ मा रहेको भिएन स्कूल तथा कलेजका विद्यार्थीहरुले ट्राफिक सचेतना कार्यक्रम गरेका छन् । विद्यार्थीहरुले आज बुधाबार घोराहीमा रहेको भानुचोकमा सो कार्यक्रम गरेका हुन् ।
जिल्ला ट्राफिक कार्यालय दाङका इञ्चार्ज झबिन्द्र परियारको नेतृत्वमा सडकमा पुगेका उक्त विद्यालयका विद्यार्थीहरुले सडकमा हिड्ने पैदलयात्रीहरुलाई ट्राफिक नियमहरु सिकाएका थिए ।
जिल्ला ट्राफिक कार्यालय दाङका इञ्चार्ज झबिन्द्र परियारले ट्राफिक सचेतनाको माध्यबाट सडकमा हुने दुर्घटना न्यूनिकरण गर्ने उद्देश्य रहेको बताए । उनले ट्राफिक सचेतना सम्बन्धी हिजो मंगलबार नै विद्यार्थीहरुलाई प्रशिक्षण दिई सकेको हुँदा आज सडक आएको स्पष्ट पारे ।
ट्राफिक सचेतना कार्यक्रम विद्यार्थीहरुबाटै गरे विद्यार्थीहरुले सिकेका कुरा आ–आफ्नै समुदायसम्म सहजै रुपमा फैलाउने भएको हुँदा सडक दुर्घटना न्यूनिकरण गर्न सकिने र त्यसबाट कार्यक्रम थप प्रभावकारी बन्ने हुँदा विद्यार्थीहरुबाटै सो कार्यक्रम गरेको इञ्चार्ज परियारको भनाइ छ ।
विद्यालयका व्यवस्थापन समितिका अध्यक्ष चन्द्रप्रकाश खनालले विद्यार्थीहरुलाई पढाईसँगै व्यावहारितामा जोडेको बताए । उनले सडकमा हुने दुर्घटनाको बारेमा विद्यार्थीहरुले किताबी ज्ञान पाएपनि प्रयोगात्मक अभ्यास नहुँदा सिकाइ प्रभावकारी नदेखिएको भन्दै विद्यार्थीलाई फिल्डमै लगेर अभ्यासमा जोडेको जानकारी दिए ।
घोराहीको व्यस्त चोक तुलसीपुर चोकमा विद्यार्थीहरुलाई समूह समूहमा विभाजन गरी सडक हिड्ने पैदलयात्रीहरुलाई ट्राफिक नियमहरु सिकाउने काम भएको थियो ।
विद्यार्थीहरुले आफूले सिकेका ट्राफिक नियमहरु आत्मसाथ गर्दै बजारमा हिड्ने यात्रीहरुलाई जेब्रिक्रसिङबाट हिड्नुपर्ने लगायतका नियमहरु सिकाउने गरका थिए ।
विद्यालयको प्रांगनबाट शुरु भएको ट्राफिक सचेतना सम्बन्धीे कार्यक्रमको ¥याली बजारका मुख्यमुख्य चोकहरुमा परिक्रमा गरेको थियो ।
(फिटो फिचर )
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
