पवन पोख्रेल माण्डवी,१८ असार । प्यूठानको माण्डवी गाउँपालिकामा एक दिने परिवर्तित पाठ्यक्रम प्रवोधिकरण सम्बन्धि तालिम सम्पन्न भएको छ ।
शिक्षा विकास तथा समन्वय एकाई खलंगा प्यूठानकाे सहयोग र माण्डवी गापाकाे आयोजनामा माध्यमिक विद्यालय नयाँगाउँमा भएको एक दिने पाठ्यक्रम प्रवोधिकरण तालिममा विभिन्न विद्यालयका ६५ जना शिक्षक शिक्षिकाहरुको सहभागिता रहेको थियो ।
माण्डवी गाउँपालिका शिक्षा शाखाको आयोजनामा सन्चालन भएको तालिममा कक्षा ४,७,९ काे परिमार्जित पाठ्यक्रमबारे जानकारी गराइएको थियो । शिक्षण सिकाइ क्रियाकलापलाई उपलब्धिमूलक बनाउने उद्देश्यले तालिमकाे आयाेजना गरिएको माण्डवी गाउँपालिका शिक्षा प्रमुख तुल्सि कार्कीले जानकारी दिनुभयाे ।
कार्यक्रमकाे सहजीकरण प्यूठान न पा शिक्षा अधिकृत बासुदेव पंडित, झिमरुक गा पाका शिक्षा अधिकृत माेहन बुढा क्षेत्री लगाएत माण्डवी गा पा अन्तरगतका राेष्टर विज्ञ शिक्षकहरुले गर्नु भएकाे थियाे ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
