दाङ, १६ असार । दाङको तुलसीपुरमा बसले ठक्कर दिँदा दुइ जना घाईते भएका छन् । घोराहीबाट तुलसीपुर तर्फ आउँदै गरेको ना ७ ख ३८९ न. को बसले सोही दिशाबाट आउँदै गरेको रा ६ प ५००० न. को मोटरसाइकललाई ठक्कर दिंदा मोटरसाइकलमा सवार २ जना घाइते भएका छन् । घाइतेलाई उपचारका लागि राप्ती प्रादेशिक अस्पताल तुलसीपुरमा उपचार भइरहेको छ ।
घाईते हुनेमा मोटसाईकल चालक तुलसीपुर उपमहानगरपालिका वडा नं. १० का १७ वर्षीय यादव भण्डारी र मोटरसाईकलमा सवार रोल्पाको त्रिवेणी गाउँपालिका वडा नं. ५ का १८ वर्षीय चमन वली रहेको इलाका प्रहरी कार्यालय तुलसीपुरले जनाएको छ । भण्डारीलाई बाया खुट्टामा सामान्य चोट लागेको छ भने वलीलाई टाउकोमा चोट लागेको र अवस्था मध्यम रहेको प्रहरीले बताएको छ । बस चालक घोराही ११ का ३० वर्षीय सुनिल केसीलाई प्रहरीले नियन्त्रणमा लिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
