निराजन सिर्पाली / रुकुम पूर्वको सिस्ने गाउँपालिका वडा नम्बर ६ खोपिचारमा रहेको जनता आधारभुत विद्यालयमा खानेपानीको चरम समस्या देखिएको छ । दुधिल्ला गहिरा,भैसेखाल हुँदै झिङ्री जोड्ने सडक खन्ने क्रममा पानीको मुहानमा क्षति भएपछि आधारभूत बिद्यालय खोपिचारमा खानेपानीको समस्या देखिएको हो ।
करिब एक महिनादेखि बिद्यालयमा खानेपानी नहुदा पिउने पानी र विद्यार्थीहरुलाई दिवाखाजाको लागि नास्ता बनाउन निकै गाह्रो हुने गरेको शिक्षक नवीन बुढाथोकीले जानकारी दिनुभएको छ ।
साथै विद्यालयलाई यो समस्या बाट निकास दिई विद्यार्थी र शिक्षकहरुमा पर्न जाने असरलाई तत्काल सम्बन्धित निकायले ध्यान दिन विद्यालयले अपिल गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।