कमल विक
अछाम, १असार । अछामको तुर्माखाँद गाउँपालिका – ८ धमालीमा वडास्तरीय वार्षिक बजेट तथा योजना तर्जुमा बैठक विभिन्न योजना प्राथमिकीकरण गर्दै सम्पन्न भएको छ। बुधबार तुर्माखाँद गाउँपालिका ०८ धमालीका वडा अध्यक्ष निरक बहादुर शाहीको अध्यक्षतामा बैठक बसी स्थानिय जन सहभागितामा बिभिन्न योजनाहरू छनोट गरिएको हो।
उक्त बैठक बाट शिक्षा, स्वास्थ्य, खानेपानी, सडक, कृषि लगायतका विषयमा योजनाहरु प्राथमिकतामा राख्दै छनोट गरिएका हुन्। साथै दशवर्षे महान जनयुद्धका सहिद गोले विक क. आक्रमण र बल नेपाली क. सुजन काे सालिक निर्माण गर्ने समेत निर्णय गरेको छ।
बैठकमा नेकपा (एस) का जिल्ला कमिटि सचिवालय सदस्य कुल बहादुर शाही, विप्लप नेतृत्वको नेपाल कम्युनिस्ट पार्टी अछामका जिल्ला सदस्य कुमार क्षेत्री, नेकपा माओवादीका (केन्द्र)का जिल्ला कमिटि सदस्य धुर्ब बहादुर विष्ट, नेकपा एमाले तुर्माखाँद गाउँपालिका का उप सचिव नमराज धमाला, नेपाल कम्युनिस्ट माओवादी (केन्द्र) का जिल्ला कमिटी सल्लाहकार सदस्य तपेन्द्र साहि लगायतको उपस्थिति रहेको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।