शिवु खनाल
देउखुरी, २८ जेठ।
दाङमा नेपाल प्रहरीको घुमुवा हुँ भन्दै पैसा असुली कार्यमा संलग्न एकजनालाई प्रहरीले पक्राउ गरेको छ । घोराही उपमहानगरपालिका वडा नम्बर १३ निवासी अर्जुन थापा मगर (नक्कली सइ)लाई घोराही बजारबाट पक्राउ गरिएको जिल्ला प्रहरी कार्यालय दाङका प्रहरी प्रमुख सुरेशप्रसाद काफ्लेले जानकारी दिनुभयो ।
नेपाल प्रहरीको घुमुवा हुँ भन्दै पैसा असुली कार्यमा संलग्न नक्कली सइ अर्जुन थापा मगरलाई गत बिहिवार राती दशबजे घोराही बजार क्षेत्रबाट पैसा असुली गर्दा गर्दै पक्राउ गरिएको प्रहरी प्रमुख काफ्लेले बताउनुभयो ।
दाङ प्रहरीले पैसा असुली गर्ने नक्कली सइ मगरलाई नियन्त्रणमा लिएर थप अनुसन्धान थालेको छ । नक्कली असइ हुँ भन्दै, रकम असुल्ने गरेको प्रहरी अनुसन्धानबाट खुलेको छ ।
कार्वाहीको लागि पक्राउ परेका मगरलाई ठगी मुद्धामा म्याद लिएर कहाँ कुन ठाउँमा पैसा असुली गरेको छ, त्यस बारे थप अनुसन्धान गरिरहेको प्रमही प्रमुख काफ्लेले बताउनुभयो । पक्राउ परेका मगरले पहिले पनि प्रहरी हुँ भन्दै ठगी गर्दै आइरहेको बुझिएको छ ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
