होलेरी / रोल्पाको रुन्टीगढी गाउँपालिका ९ नम्बर वडामा नेपाली कांग्रेसको पुरै प्यानल विजयी भएको छ । गत बैशाख ३० गते सम्पन्न भएको स्थानीय तहको दोस्रो चरणको निर्वाचनमा सो वडाका वडा अध्यक्षमा नेपाली कांग्रेसका चेतलाल खत्रीको प्यानल विजयी भएको हो ।
रुन्टीगढी गापा ९ का अध्यक्षमा चेतलाल खत्री लगाएत सदस्यहरुमा गायत्री वली, सुनिता बिक, टेकबहादुर बस्नेत र शिबराज खत्रीले विजयी हासिल गरेका हुन् ।
अहिलेसम्म रुन्टीगढी गाउँपालिकामा ८ वटा वडाहरु मत गणना सकिएको छ । जसमा रुन्टीगढी गाउँपालिका १ मा नेपाली कांग्रेस, २ नम्बर वडामा नेकपा माओवादी केन्द्र, ३ नम्बर वडामा नेकपा एमाले, ४ नम्बर वडामा नेपाली कांग्रेस, ५ नम्बर वडा नेकपा एमाले, ६ मा नेकपा एमाले, ७ नम्बर वडामा नेकपा माओवादी केन्द्र, ८ नम्बर वडामा नेकपा माओवादी केन्द्र र ९ नम्बर वडामा नेपाली कांग्रेसले विजयी हासिल गरेका छन् । योसंगै नेपाली कांग्रेस,नेकपा माओवादी केन्द्र र नेकपा एमाले ३/३ वडामा जित हासिल गरेका हुन् ।
पालिकाको अध्यक्ष / उपाध्यक्षमा नेपाली कांग्रेसले जित हासिल गर्न सफल भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
